Një nënë në Australi ka humbur kujdestarinë e fëmijëve të saj pasi goditi djalin e saj autik me një lugë druri kur ai përdori kartën e saj të kreditit për të blerë videolojëra, në vlerë të 600 dollarëve.

Avokati i saj tha se nëna e vetmuar nga Gold Coast në Queensland-Australi, kishte përjetuar makth me një fëmijë të vështirë’ dhe ajo ishte ‘shumë e penduar’.

Ajo u deklarua fajtore për sulmin të enjten në Gjykatën e Southportit, raporton 7news.

Gjykata dëgjoi se si djali, i cili ka autizëm, përdori kartën e nënës së tij të papunë për të bërë blerjen.

Pasi është goditur me lugë duke i shkaktuar mavijosje, 10-vjeçari goditur murin me shqelma.

Shërbimet e mbrojtjes së fëmijëve u informuan më vonë për incidentin dhe nëna, emri i së cilës nuk mund të përmendet për arsye ligjore, pranoi se kishte goditur djalin e saj në një intervistë me autoritetet.

Të dy fëmijët i janë marrë asaj dhe tani ajo mund t’i shohë vetëm dy herë në javë nën mbikëqyrje.

Gjyqtari Mark Bamberry i dha gruas një urdhër prove prej nëntë muajsh pa u regjistruar asnjë dënim.