Zjarri përfshiu qendrën e biznesit Grand Setun Plaza në rrugën Gorbunova në perëndim të Moskës të premten, raportoi TASS. Disa persona mbetën të bllokuar në katin e gjashtë dhe një tjetër nuk mundi të shpëtonte nga kati i shtatë.

“Në katin e sipërm në katër katet e para të ndërtesës, vlerësimi i kompleksitetit të zjarrit u ngrit në nivelin më të lartë, të pestë”- tha një burim për TASS.

Sipas informacioneve të para, sipërfaqja e zjarrit është 1000 metra katrorë. Është shuar nga 180 zjarrfikës, ndërsa në zjarr janë dërguar tre helikopterë Ka-32 – njoftoi Ministria e Situatave Emergjente.

Evakuimi është duke u zhvilluar dhe 15 ekuipazhe të ambulancës janë dërguar në qendrën e biznesit.

Në vendin e zjarrit mbërriti edhe ministri i Emergjencave Alexander Kurenkov. Aty është edhe zëvendësi i tij Ilya Denisov.

Trafiku në rrugët përreth është aktualisht i kufizuar. Rruga “Gorbunova” është plotësisht e bllokuar, ndërsa drejtuesit e mjeteve këshillohen të zgjedhin rrugë të tërthorta.