Detarët po paralajmërohen të jenë të kujdesshëm pas një rritjeje të sulmeve në varka nga balenat vrasëse.

Këto krijesa deti mendohet se kanë shkatërruar dy jahte në një ditë të vetme në brigjet e Spanjës dhe Portugalisë javën e kaluar.

Balenat vrasëse u përplasën dhe thyen timonët e dy jahteve në të fundit nga të paktën 22 incidentet e njohura që nga prilli.

Dhjetë nga varkat e sulmuara u goditën aq keq sa u desh të tërhiqeshin në port, me balenat vrasëse që përpiqeshin të kafshonin litarin tërheqës në një rast.

Incidenti i parë u raportua në vitin 2020 dhe u bë më i zakonshëm në vitin 2021, ku u regjistruan më shumë se 100 sulme në ujërat spanjolle dhe portugeze.

Marinari Matt Johnston ishte një nga ata që u sulmuan në brigjet portugeze, ndërsa ndoqi këshillat për të qëndruar afër bregut.

Ai po lundronte me jahtin e tij nga Belfasti në Almeria kur një grup prej katër balenash vrasëse u nisën në një sulm 40-minutësh tetorin e kaluar.

“Dy të rinjtë shkuan në timon si qenë labradorë që luftojnë për një ëmbëlsirë, ndërsa dy më të mëdhenjtë po përplaseshin me varkën, duke u rrotulluar rreth e rrotull,” tha ai për The Times.

Zoti Johnston tha se ai “nuk ka ndërmend” të lundrojë përsëri në zonë pasi kishte shpenzuar 425 £ për t’u tërhequr dhe më shumë se 10,000 £ për të riparuar varkën e tij.