Policia ka arrestuar pesë burra për vdekjen e një tifozi futbolli, i cili pësoi dëmtime të përhershme në tru pas një sulmi në vitin 2015.

Ylli DIY SOS, Simon Dobbin(në foto me këtë lajm), vdiq pesë vjet pas rrahjes së egër, e cila ndodhi teksa po kthehej në shtëpi nga një ndeshje në Southend.

Mbështetësi i Cambridge United, z. Dobbin, u sulmua teksa po ecte në stacionin hekurudhor pas barazimit 0-0 të ekipit të tij jashtë fushe kundër Southend United më 21 mars 2015.

Ai mbeti i paaftë për të ecur apo për të folur dhe vdiq në shtëpinë e tij në Mildenhall, Suffolk, më 21 tetor 2020, në moshën 48-vjeçare.

Policia e Essex tha se testet mjekësore treguan se kishte një lidhje të drejtpërdrejtë midis vdekjes së tij dhe lëndimeve që kishte pësuar.

Detektivët e vrasjeve arrestuan pesë burra, të moshës 27, 30, 34, 39 dhe 45 vjeç, me adresa që të gjithë në Essex këtë mëngjes.

Këtë mëngjes, Detektivi Superintendent Stephen Jennings, i Drejtorisë së Krimeve të Rënda të Kent dhe Essex, tha se hetimi tregoi se kishte një “lidhje të drejtpërdrejtë, shkakësore” midis plagëve të Simon Dobbin nga sulmi dhe vdekjes së tij.

Ai tha: “Në kuadër të atij hetimi, sot në mëngjes kemi arrestuar pesë persona të dyshuar për vrasje.

“Ne po flasim gjithashtu me një numër njerëzish që po i konsiderojmë si dëshmitarë për të mbledhur dëshmitë e tyre.

“Gruaja e Simonit, Nicole, dhe vajza e tyre, Emily, janë mbajtur të përditësuar për përparimin tonë në çdo hap të rrugës.

“Simoni ishte një palë krejtësisht e pafajshme në trazirat që ndodhën atë ditë dhe familja e tij ka kaluar një situatë të të paimagjinueshme.

“Lëndimet që Simon pësoi atë ditë nuk ndryshuan vetëm jetën e tij, ato ndryshuan edhe jetën e Nicole dhe Emily.

“Si një ekip, ne do të bëjmë gjithçka që mundemi për të siguruar drejtësi për familjen dhe miqtë e gjerë të Nicole, Emily dhe Simon.”

Sulmi brutal i vitit 2015 u ndalua përfundimisht nga oficerët e policisë duke përdorur sprej piper, por ishte tepër vonë për Simonin, i cili mbeti me lëndime që i ndryshuan jetën.