| Drejtoria Rajonale Prishtinë
INCIDENTET KRIMINALE
PJESËMARRJE NË RRAHJE Rr. e Pejës, Fushë Kosovë 22.06.2022 – 00:10. Raportohet për një rrahje në mes të disa personave ku si pasojë viktima mashkull kosovar është therur me thikë dhe i njëjti është dërguar në QKUK për tretman mjekësor. Lidhur me rastin është arrestuar një i dyshuar mashkull kosovar dhe me vendim të prokurorit është dërguar në mbajtje.
SULM NDAJ PERSONIT ZYRTAR & ARMËMBAJTJE PA LEJE Fsh. Gllamnik, Podujevë 22.06.2022-19:36. Viktima mashkull kosovar ka raportuar se derisa ka qenë në lëvizje me veturë është rrezikuar nga i dyshuari mashkull kosovar. I dyshuari (nën ndikim të alkoolit) gjatë arrestimit ka tentuar t’i sulmojë fizikisht zyrtarët policorë duke shfaqur rezistencë aktive. Gjatë kontrollit i është gjetur dhe sekuestruar një sprej si provë materiale. I dyshuari me vendim të prokurorit është dërguar në mbajtje.
NGACMIM SEKSUAL & KANOSJE Lipjan, Prishtinë 22.06.2022-16:47. Viktima femër kosovare ka raportuar i dyshuari mashkull kosovar ndaj saj ka kryer veprat penale të lart-cekura. Në lidhje me rastin është konsultuar prokurori, me vendim të së cilit rasti vazhdon në procedurë të rregullt.
VJEDHJE E RËNDË NË TENTATIVË Rr. Bahri Fazliu, Prishtinë 21.06.2022 – 23:01. Janë arrestuar dy të dyshuar meshkuj kosovarë, pasi që kanë tentuar të kryejnë vjedhje në dy vetura të dy viktimave një femër dhe një mashkull kosovarë. Me vendim të prokurorit të dyshuarit janë dërguar në mbajtje.
DHUNË NË FAMILJE
SH.RR.P & PËRDORIM I MJETIT TË RREZIKSHËM Rr. Dalmatët, Prishtinë 22.06.2022-03:00. Raportohet se janë dëmtuar tre automjete me targa vendore pronë e tre ankueseve meshkuj kosovarë. Në vendin e ngjarjes kanë dalë të gjitha njësitë relevante policore të cilat kanë hasur një mjetë të shpërthyer që dyshohet të jetë granat dore, e cila është hedhur nga persona të panjohur. Përveç dëmeve materiale nuk raportohet për të lënduar, rasti është duke u hetuar .
ZJARRVËNIE Rr. Hajdar Dushi, Prishtinë 22.06.2022 – 13:15. Ankuesja femër kosovare ka raportuar se nga person-a të panjohur është djegur një qadër verore, rasti vazhdon të hetohet.
RASTET TJERA- NGJARJET:
ARRESTIM I PERSONIT TË KËRKUAR
◄ Drejtoria Rajonale Gjilan
INCIDENTET KRIMINALE Asgjë me rëndësi për të raportuar
RASTET TJERA – NGJARJET: AKSIDENT TRAFIKU ME LËNDIME Lagjja malësia, Kamenicë 22.06.2022 – 13:15. Është raportuar se i dyshuari mashkull kosovar duke drejtuar automjetin, nga pakujdesia ka goditur këmbësorin mashkull kosovar i cili ka pësuar lëndime trupore. Viktima është dërguar për tretman mjekësor në spitalin e Gjilanit, rasti në procedurë të rregullt.
◄ Drejtoria Rajonale Ferizaj
INCIDENTET KRIMINALE Asgjë me rëndësi për të raportuar
RASTET TJERA – NGJARJET:
PERSON I ZHDUKUR Ferizaj 22.06.2022 – 11:50. Ankuesja femër kosovare ka raportuar se viktima femër kosovare është larguar në drejtim të panjohur. Rasti vazhdon të hetohet.
◄ Drejtoria Rajonale Prizren
INCIDENTET KRIMINALE
LËNDIM I RËNDË TRUPOR Rr. Muharrem Hoxhaj, Prizren 22.06.2022-21:30. Janë arrestuar dy të dyshuar meshkuj kosovarë pasi që të njëjtit pas një mosmarrëveshje verbale e kanë sulmuar fizikisht viktimën mashkull kosovar. Viktima është duke u trajtuar në spitalin e Prizrenit. Si prova materiale janë sekuestruar: një gyp metali dhe një thikë. Me vendim të prokurorit, dy të dyshuarit janë dërguar në mbajtje.
LËNDIM I LEHTË TRUPOR
VJEDHJE E RËNDË Rr. Qazim Berisha, Prizren 18-22.06.2022:08:48. Ankuesi mashkull kosovar raporton se persona të dyshuar me forcë kanë depërtuar në shtëpinë, në të cilën përveç demolimit kanë kryer dhe vjedhje. Njësitë relevante kanë dalë në vendngjarje, lidhur me rastin është informuar prokurori i shtetit, rasti është nën hetime.
MONEDHË E FALSIFIKUAR Rr. Brigada 123, Suharekë 22.06.2022 – 13:00. Ankuesja femër kosovare ka raportuar se ka hasur në një kartëmonedhë në vlerë prej 50 dollarë e cila dyshohet se mund të jetë e falsifikuar, rasti vazhdon të hetohet.
LËSHIMI I ÇEQEVE PA MBULESË OSE TË RREMË DHE KEQPËRDORIMI I KARTELAVE TË BANKËS APO TË KREDITIT Prizren 21.06.2022 – 20:00. Viktima mashkull kosovar ka raportuar se përmes sms-it është njoftuar se nga kartela e tij bankare janë realizuar disa blerje të cilat viktima nuk i kishte kryer, rasti vazhdon të hetohet.
RASTET TJERA – NGJARJET: Asgjë me rëndësi për të raportuar
◄ Drejtoria Rajonale Pejë
INCIDENTET KRIMINALE
HETIM I VDEKJES Pejë 22.06.2022 – 05:30. Ankuesi mashkull kosovar ka raportuar se në ballkonin e një dhome ka vërejtur viktimën mashkull kosovar të shtrirë. Njësitë relevante policore dhe një ekipi i ndihmës së shpejtë ka dalë në vendin e ngjarjes, nga mjeku përgjegjës është konstatuar vdekja e viktimës. Në vendin e ngjarjes janë mbledhur provat që i shërbejnë hetimit të rastit, ndërsa me vendim të prokurorit trupi i pajetë i viktimës është dërguar në IML për obduksion.
DHUNË NË FAMILJE Klinë 21.06.2022-16:00. Viktima femër kosovare është dërguar në QKUK për trajtim mjekësor pasi që e njëjta është sulmuar nga e dyshuara femër kosovare . Me vendim të prokurorit, e dyshuar është arrestuar dhe dërguar në mbajtje ,rasti në procedurë hetimore.
SULM & KANOSJE NDAJ PERSONIT ZYRTAR Rr. Ymer Basha, Pejë 22.06.2022-22:05. Viktima mashkull kosovar ka raportuar se pas një mosmarrëveshje është kanosur nga i dyshuari mashkull kosovar. I dyshuari – nën ndikim të alkoolit, pas arrestimit ka kanosur verbalisht dy zyrtarët policor. Me vendim të prokurorit i njëjti është ndërguar në mbajtje .
ARMËMBAJTJE PA LEJE Rr. Abedin Rexha, Klinë 22.06.2022 – 12:39. Është arrestuar i dyshuari mashkull kosovar pasi që gjatë kontrollit i është gjetur dhe sekuestruar një pistoletë me shtatë fishekë. , ndërsa në shtëpinë e të dyshuarit është gjetur dhe sekuestruar edhe një pistoletë me gaz. I dyshuari pas intervistimit me vendim të prokurorit, është dërguar në mbajtje.
RASTET TJERA – NGJARJET: ARRESTIM I PERSONIT TË KËRKUAR Hani Elezit 22.06.2022 – 02:23. Në bazë të urdhëresës lëshuar nga gjykata , është arrestuar i kërkuari mashkull kosovar dhe i njëjti është dërguar në vuajtje të dënimit.
◄ Drejtoria Rajonale Gjakovë
INCIDENTET KRIMINALE
KANOSJE Rr. Beqir Kastrati, Gjakovë 21.06.2022 – 20:30. Janë arrestuar dy të dyshuar meshkuj kosovarë pasi që të njëjtit pas një mosmarrëveshje janë kanosur mes vete . Me vendim të prokurorit, të dyshuarit janë dërguar në mbajtje.
PENGIM I PERSONIT ZYRTAR GJATË KRYERJES SE DETYRËS Rr. Skënderbeu, Gjakovë 22.06.2022 – 01:30. Është arrestuar i dyshuari mashkull kosovar, pasi që nën ndikim të alkoolit ka penguar dy zyrtar policor në kryerje të detyrës zyrtare. Me vendim të prokurorit, i dyshuari është liruar, rasti shkon në procedurë të rregullt.
DHUNË NË FAMILJE
RASTET TJERA – NGJARJET: ARRESTIM I PERSONIT TË KËRKUAR PKK. Qafë Morinë 23.06.2022-00:06. Në bazë të urdhëresës lëshuar nga gjykata është arrestuar një mashkull shtetas i Shqipërisë dhe i njëjti është dërguar në vuajtje të dënimit.
◄ Drejtoria Rajonale Mitrovicë – Jug
INCIDENTET KRIMINALE SHKAKTIM I RREZIKUT TË PËRGJITHSHËM Fsh. Koshtovë, Mitrovicë 21.06.2022 – 23:00. Është arrestuar i dyshuari mashkull kosovar, pasi që me armë zjarri ka shtënë në drejtim të automjetit të parkuar, të ankuesit mashkull kosovar. Pistoleta dhe një predhë janë konfiskuar. Me vendim të prokurorit, i dyshuari është dërguar në mbajtje.
RASTET TJERA – NGJARJET : Asgjë me rëndësi për të raportuar
◄ Drejtoria Rajonale Mitrovicë – Veri
INCIDENTET KRIMINALE
ZJARRVËNIE & DHUNË NË FAMILJE Mitrovicë Veri 21.06.2022 – 22:50. . Është arrestuar i dyshuari mashkull kosovar pasi që i njëjti në vazhdimësi ka shkaktuar dhunë psikike dhe fizike ndaj dy viktimave një femër dhe një mashkull kosovarë përveç kësaj i njëjti ka shkaktuar zjarr. Në vendngjarje zjarrfikësit kanë bërë shuarjen e zjarrit, ndërsa gjatë kontrollit në trup, të dyshuarit i është gjetur dhe sekuestruar një sasi substancë e dyshuar narkotike e llojit marihuanë në peshë 0.35 gram. Me vendim të prokurorit, i dyshuari është ndaluar në ndalim policor.
RASTET TJERA – NGJARJET: Asgjë me rëndësi për të raportuar
DEPARTAMENTI I POLICISË KUFITARE
INCIDENTET KRIMINALE
KONTRABANDIM ME MIGRANT SPK. Hanji i Elezit 22.06.2022 – 13:00. Gjatë kontrollit të rimorkios në një kamion me targa të huaja me drejtues të dyshuarin mashkull shtetas i Turqisë, janë hasur tre viktimat meshkuj shtetas të Palestinës të cilëve iu është ofruar trajtim mjekësor për shkak të gjendjes shëndetësore. Lidhur me rastin është konsultuar prokurori i shtetit i cili ka rekomanduar që viktimat të dërgohen në qendrën e azilkërkuesve ndërsa të dyshuarit i është sekuestruar pasaporta, rasti vazhdon të hetohet.
KALIMI PA AUTORIZUAR I KUFIRIT Gazivodë, Zubin Potok 22.06.2022 – 07:30. Njësitë policore kanë ndaluar një veturë me targa të huaja me drejtues të dyshuarin mashkull kosovar dhe pasagjeren të dyshuarën femër kosovare. Gjatë kontrollit në veturë janë gjetur dhe sekuestruar rreth 200 kg djathë të cilat dyshohet se janë futur në territorin e Republikës së Kosovës përmes rrugëve ilegale. Vetura dhe malli i janë dorëzuar Doganës së Kosovës për procedura të mëtutjeshme. Të dyshuarit janë arrestuar dhe me vendim të prokurorit janë dërguar në mbajtje.
POSEDIM I PAAUTORIZUAR I ARMËS-Fishekë Aeroporti i Prishtinës ,Adem Jashari 22.06.2022-11:00. Raportohet se është vërejtur një valixhe pronë e të dyshuarit mashkull kosovar, me ç’rast në të janë gjetur dhe konfiskuar 5 copë fishekë kal.7.65 mm .Lidhur me rastin në konsultim me prokurorin i dyshuari është liruar në procedurë të rregullt.
|
Me respekt
Zyra për Informim dhe Marrëdhënie me Publikun
Drejtoria e Përgjithshme e Policisë
Rruga ,,Luan Haradinaj” Prishtinë
Tel: 038 5080 1243, 038 500 1237, 038 5080 1462
Email: [email protected]