Edi u largua pas mesnatës nga Big Brother VIP Kosova 3. Ai kërkoi të linte shtëpinë me dëshirë, pasi tha që ka disa punë që i ka lënë pezull jashtë.
Në momentin që doli, ai ishte tejet i vendosur dhe i pakompromis ndaj moderatorëe: Alaudin Hamiti dhe Jonida Vokshi.
Derisa prezantuesja i kërkoi që të reflektonte, ai tha se nuk dëshiron të rri më në shtëpi.
“A dëshironi me zor me ndejt? Moti e kam pasur në mendje këtë gjë. Nuk ka nevojë. E din edhe vëllai i madh për këta. Mos më shtini me thy derën se edhe e thej derën nuk ka problem. Bimi valixhet edhe dalë”, tha ndër tjerash Kuqi.
Për këtë i reagoi Alaudini, duke i thënë se nuk mund ta thyejë derën dhe se nuk është në shtëpinë e tij. Megjithatë produksioni u detyrua të lirojë menjëherë Edin.
Produksionit kësaj radhe i hasi sharra në gozhdë, pasi publikut i kujtohet kur në sezonin paraprak e patën mbajtur pothuaj si në burg dhunshëm Gani Gërminë për 24 orë përkundër dëshirës së tij.
