Presidenti ukrainas Volodymyr Zelensky tha se më shumë se 46,000 ushtarë ukrainas janë vrarë që nga fillimi i luftës ruse në shkallë të gjerë, me dhjetëra mijëra të zhdukur ose në robëri.

Ai vuri në dukje se “askush nuk e di” saktësisht se sa ukrainas humbën jetën në luftë.

“Ne kemi një numër fiks humbjesh – 46,000 ushtarë të vrarë. Pastaj, për sot, kemi dhjetëra mijëra të zhdukur në aksion ose në robëri. Dhe nuk mund ta dini me siguri, sepse ata që janë të zhdukur në aksion mund të jenë të vdekur ose mund të jenë në robëri,” tha Zelensky.

Ai gjithashtu deklaroi se rreth 19,500 fëmijë ukrainas u deportuan në Rusi.

“Ne nuk kemi asnjë ide për numrin, mijëra, dhjetëra mijëra civilë që vdiqën në territoret e okupuara përkohësisht të Ukrainës”, tha Zelensky.

Ndërkohë sipas të dhënave të sotme të Forcave të Armatosura të Ukrainës që nga fillimi i luftës, ushtarët ukrainas kanë vrarë 859 mijë e 920 ushtarë rusë.