Policia e Kroacisë ka njoftuar për një aksident të rëndë në Draganiq në të cilin mbrëmë kanë humbur jetën dy persona. Policia e Karllovacit njoftoi se aksidenti ka ndodhur në orën 00:25 në një rrugë lokale në vendbanimin Mrzljaki.

– Një 19-vjeçar po drejtonte një veturë me targa të Karllovacit dhe për shkak të shpejtësisë mjeti doli nga rruga në një kanal të dheut, i cili më pas u përmbys në çati dhe goditi pjesën e pasme të një ure betoni. Në këtë aksident trafiku humbën jetën drejtuesi i mjetit dhe një pasagjere 18-vjeçare. Nga hetimet u konstatua se ata nuk kishin vendosur rripat e sigurisë” – njoftoi policia.

Prononcimi për aksidentin e trafikut do t’i dërgohet prokurorisë kompetente të shtetit.

Sipas Kaportal, i cili ka publikuar foto nga vendi i aksidentit, mësohet jozyrtarisht se çifti jetonte në qytetet e afërta dhe u vranë me një BMW që i riu kishte blerë së fundmi.